Mawkyrwat, ‘Nailar 08: Ka ophis jong u District Sports Officer, South West Khasi Hills District ha ryngkat ka District Level Committee jong ka District Promotion Society, South West Khasi Hills District, Mawkyrwat kan sa pynlong ïa ka jingïamarehthong kaba la tip kum ka ‘Independence Day Run 2022’ ha Mawkyrwat.
Kane ka jingïamareh ka dei ha ka jingjngai kaba 12 kilometer ei ei na ka bynta jong ki shynrang bad kynthei kiba dei napoh jong ka South West Khasi Hills District bad ka ban sa long ha ka 13 tarik u ‘Nailar, 2022 ha ka por 6 baje mynstep. Ka jingsdang bad pynkut ïa ka jingïamareh ka dei ha madan jong ka Maharam Government Higher Secondary School, Mawkyrwat.
Na ka liang ka ophis u DSO, South West Khasi Hills District ka la pyntip ruh ba kiba kwah ban wan ïashimbynta ha kane ka jingïamareh kin wan ban ai ïa ki kyrteng jong ki ha lane shwa ka 11 tarik u ‘Nailar, 2022 ha ki kynta long trei.
Ha kane ka jingïakop mareh na ka liang ka ophis ka la pynkhreh ruh ïa ki khusnam kiba wan shakhmat bad kumjuh ruh kin don haduh 8 tylli ki consolation prizes.
