Ka Iïngbishar ka shlem ïada ïa ki hok jong ki paidbah bad ban ïoh ïa ka jingbishar bahok

Khliehriat jylliew 4: U Chief Justice jong ka Meghalaya, u Sanjib Banerjee mynta ka sngi u la wan ban plie paidbah ïa ka iïngbishar kaba dei ruh ka ophis treikam jong ka East Jaiñtia District Session Judge ha Khliehriat bad la ïa don ryngkat lang ruh u myntri ka sorkar jylla u James.P.K.Sangma bad kiwei kiwei.
Haba kren kum u kongsan, u Chief Justice jong ka Meghalaya, u Sanjib Banerjee u la ai ka jingkhublei kitbok kitrwiang ïa ki paidbah jong ka East Jaiñtia Hills District bad ai khublei ruh ïa ka sorkar Meghalaya kaba la lah ban tei ïa ka jingtei kaba itynnad kaba dei ruh ka iïngbishar jong ka District Session Court bad u la kyntu ruh ïa ki muktiar bad ong ruh ba ka sorkar jylla ka la ai ïa kane ka jingtei kaba donkam bha bad mynta ka la dei sa ka kamram jong ki ban pyniaid ïa ka ha ka rukom kaba bha tam kaba na ka bynta ka jingbit jingbiang jong ki paidbah jong ka district da kaba bynrap ruh ba ka iingbishar ka dei ban iada ïa ki hok jong ki paidbah bad ka dei ruh ka jaka ba ki paidbah ki dei ban tip ïa ki hok jong kin a ka bynta ba kin ioh ïa ka jingbishar kaba hok.
U la pynsngew ruh ba ha ka ïingbishar Meghalaya High Court, ka la don bad pyntreikam ruh ïa ka Virtual System kaba don bun jingmyntoi ha kaba ki muktiar ki lah ban iasaid ïa ki mukutduma lyngba ki kor ki bor jong ki internet, lyngba kane ka Virtual System ki muktiar bapher bapher ki lah ban ïa shimbynta bad ong ruh ka kine ki muktiar kiba dang samla kin ioh ïa ka kabu ban iohi ïa ki muktiar kiba la san kiba na ki jylla bapher bapher ki ban wan ban ïa shumbynta ha ka rynsan bad kane ka kyntiew ïa ka jinglong jingman bad kan ai mynsiem ïa kine ki muktiar ba dang samla.
U la ong ruh ba ka High Court mynta ka la pytreikam ïa kawei ka rukom trekam ka ban long ka nuksa ïa kiwei pat ki jylla jong ka ri, ha kaba ki Agency (Independent Agency) kin sa peit bniah ïa ki kam jong ka High Court ban lap ïa ki jingbakla bad ki jingduna ha kaba ïa ki kaiphot yn pyllait paidbah sha kito kiba kwah ban peit.
U myntri ka sorkar uba dei peit ia katnat Forest and Environment, u James ,P.K.Sangma, u la ong ba ka iïng bishar ka dei ka tnat kaba donkam tam, u kular ba na ka liang ka sorkar kan ai ka jingiatreilang bad kan nang iai kyrshan bad pynkhlaiñ ïa ka iïngbishar “Ngi dang don mynta ha ka jingiaid lynti ban tei noh ïa ka skulbah lane ka National Law College kaba dei ka jingangnud jong u Chief Justice jong ka High Court bad ong ruh ba ka sorkar mynta ka la pynstet bha ïa kane ka kam.
Shuh shuh u la pynsngew ba ha East Jaiñtia Hills Districtki la don haduh 967 tylli ki mukotduma kiba la lah ban pyndep bad ki dang don ruh ki mukotduma kiba dang sahkut kiba ym pat dep bad ngeit shlem bad hapoh ka jingialamjong ka District Session Judge bad ka kynhun jong ki muktiar yn sa lah ban pyndep khlam kloi ïa kiba dang sah, u la ong ruh ba ka jingphiah ïa ka Judicialry na ka Executive ka long kaba donkam haduh katta katta halor ka jingshisha ba ki don ki bynta ba kiwei kiwei ki tnat treikam jong ka sorkar kim lah ban tuklar ha kaba ha ka jingbishar kam don ka jingnoh shiliang ha ka riti synshar paidbah bad ngeit ruh ba ka iïng bishar ka lah ban wanrah ïa ka jingiajan bad ki paidbah, ka jingsiew ruh ka duna bad ka kam bishar ruh ka kloi “Ka sorkar Meghalaya ka la lah ban phiah ïa kane ka Judiciary na ka Executive bad sngewtynnad ban ong ba naduh ba ngi la shimti ïa ka jingsynshar naduh u snem 2018 ngi don kadon ka jingiatreilang bad ka iïngbishar Meghalaya High Courtbad ngi la lah ban leh ïa kane dei namar ka jingphiah ïa ka Judicialry na ka Executive.
U James Sangma, u la ai ruh ka jingkitbok kitrwiang ïa ka iïngbishar East Jaiñtia District Court bad ïa baroh ki muktiar ba kin dup lah ban ai ka jingbishar kaba wanrah ïa ka hun jong ki paidbah jong ka district.
Kiba la ai jingkren ha kane ka prokram, ki kynthup ruh u Justice jong ka High Court, u H.S.Thangkhiew, ka C.J.M, ka C.Dkhar bad kiba la ïa don lang ha ka prokram ki kynthup u Justice W.Diengdoh, Law Secretary, u CVD Diengdoh, Advocate General High Court, u Amit Kumar, Register General, u E.Kharumnuid, U Deputy Commissoner ka East Jaiñtia Hills District, u Abhilash Banarwal, IAS, u Superintendent of Police East Jaiñtia Hills District, u Jagpal Singh Dhanoa, IPS bad kiwei kiwei.