Shillong, Jylliew 05: Ki nongtrei jong ka National Health Mission jong ka jylla hapoh ka lama jong ka National Heal Mission Employees Association of Meghalaya (NEAM) ha ka sngi Saitjaiñ, ki la pynlong ïa ka elekshon ban jied ïa ki nongkitkam ba thymmai jong ka Seng lane ki dkhot jong ka Central Executive Committee (CEC)
Ïa kane ka elekshon la pynlong ha Mae- Dow Gande Hall, Jaïaw Lum Batemon ha kaba palat lai spah ngut ki dkhot jong ka Association ki la ïashim bynta ha kane ka elekshon kynthup na ki District bapher bapher jong ka jylla.
Ha ka jingïajied la don 31 ngut ki dkhot ne ki kyrtong kiba ïa ai reng na ka bynta ki phra tylli ki Post.
Hadien ka jingïajied lyngba ka Ballot Paper ba la pynïaid da u General Secretary ka Shillong Press Club, Bah P. Sohkhlet, kiba la jop ha kane ka jingïajied ïa ki Nongkitkam ki long:- President- Bah Johnson J. Nongbet, Vice President- Bah Pynshailang Mylliem, General Secretary- Bah Kordorlang Lyngdoh, Assistant General Secretary Dr. Salgra Ch. Marak, Treasurer- Bilrak D. Marak, Finance Secretary- Kong Marvellous Dkhar Fancon, Publicity Secretary- Bah Bankerdonbor Kharbisnop, Assistant Publicity Secretary- Dringstone M. Sangma.
