Ka Draft Bill HIV/AIDS kam pat poi sha miej jong nga, ong u Myntri ka tnat Aiñ

Shillong, Naiwieng, 25: U Myntri ka tnad Aiñ Bah Lahkmen Rymbui u la pynshai ha ka sngi Baar ba ym shym la don kano kano ka Draft Bill HIV/AIDS kaba la poi sha ka tnad jong u.
“Katkum ka jingtip jong nga, ym pat don ei ei hangne. Ka tnad ka Koit ka Khiah ne ka Social Welfare ki dei ban phah shwa ban leh ïa ka jingbishar bniah”, la ong u Bah Rymbui ha ka jingïakren bad ki lad pathai khubor.
“Lada baroh ki long kiba biang ngin sa rah sha ka Kynhun Myntri bad ka Kynhun Myntri lada ka la ibit yn sa rah ha Iingdorbar Thawaiñ ban ïoh bishar bniah,” u la bynrap.
U Bah Rymbui u la kam ïa ka jingshyrkhei jong ka jingpang HIV/AIDS ha Meghalaya, kaba don ha ka kyrdan kaba hynriew ha ka ri baroh kawei, hynrei u la pynpaw ïa ki jingeh kiba lah ban mih na ka jinglong kyrpang.
“Kane ka dei ka mat kaba khia bha ha ka jylla jong ngi. Hadien ba ngi la ong ba ngi hap ban peit ruh ïa ka jingma jong u drok ne u HIV, la ngi shah pynthut ha ka jinglong kyrpang jong uwei pa uwei u briew. Kumta nga hap ban bishar bniah na ka liang ka aiñ, nga hap ban pule kumno ban leh ïa kane. Kumba nga la ong, ka long kaba dang kloi palat na ka bynta jong nga namarba ngam pat ïohi ïa kano kano ka Bill ban pyntyllun shakhmat ïa kata ka aiñ,” u la ong.