Shillong, Nohprah 16: Ka Dorbar Pyllun jong ka Seng Kur Dkhar Sawkpoh ba kynthup ïa ki Sawian, Phanbuh-Phankon, Ngapkynta bad Kharwanlang kan long ha ka 11-01-2025 ha Soso Tham Auditorium, Shillong ( State Central Library) ha ka por 11.00 baje mynstep.
Kane ka long ka jingpyntip ba donkam ïa ki para kur baroh ba ha kane ka Dorbar kan don ka jingai burom bad jingai khusnam ïa ki para kur kiba la kynjoh ïa ka 80 snem ne tam.
Nangta ïa ki Samla pule kiba pass bha (Merit list bad 90% shaneng) ha ka snem 2024 ha ka jingpule naduh baroh Matrik haduh Ph.D, nangta ïa kito kiba paw bha ha ka Sports, Sengkam sengjam bad jingnoh synniang ha ka imlang sahlang.
Ki para kur kin sngewbha ban pynpoi ïa ki jingtip ïalade ne ïa kiba haïing hasem kiba dei ban ïoh burom/khusnam sha ki President/ Secretary jong ki Unit. G. Phanbuh General Secretary, Seng Kur Dkhar Sawkpoh.
