Shillong K’Lyngkot 07: U Rangbah shnong ka Thieddieng u bah J. Sohtun ula pyntip paidbah ba ka Dorbar Paidbah Kutsnem la hap ban pynkynriah noh sha ka 13 tarik Kyllalyngkot namar ki jingjia ba sngewsih ha shnong.
Ka jingthmu jong kane ka Dorbar Paidbah kutsnem ka long na bynta ban ïakren bad pynshai ïa kiba bun ki kam jong ka shnong.
Na ka liang ka Dorbar Shnong Thieddieng ka la kyrpad ïa baroh kito ki basah shabar shnong bad kiba dang kwah ban dang ïa don bynta hapoh shnong hapoh thaw kin sngewbha ban wan shim bynta ha ka Dorbar ba la buh ban pynlong ha ka por 11:00 baje mynstep ha ïingdorbar shnong Thieddieng.
