Amlarem, Jylliew 06: Ka ophis jong ka Sub- Divisional Officer (Supply), ka Amlarem West Jaiñtia Hills District kala pyntip ba ïa ka bhah u khaw NFSA (AAY, PHH bad Non-NFSA), na ka bynta u bnai Jylliew 2022, la dep ban pyllait paidbah bad yn pynpoi sha baroh ki nongdie Fair Price Shop haduh ka 15 tarik u bnai Jylliew 2022.
Ïa ka bhah khaw Antyodaya Anna Yojna (AAY) yn sam ha ka jingthew kaba 35 kilo kawei ka AAY FI Card haka dor Rs. 3 tyngka shi kilo. Ïa u khaw Priority House Hold (PHH) quota yn sam 5 kilo shi khlieh ha ka dor Rs. 3 tyngka shi kilo bad ïa u khaw Non-NFSA ha ka dor Rs.14 tyngka shi kilo. La kyrpad ruh ïa ki paidbah ba kin leit shim ïa ka bhah jong ki na ki Fair Price Shop Centers kiba don hapoh ki shnong jong ki.
Na ka liang u Sub- Divisional Officer (Supply), Amlarem Sub-Division, Amlarem, ula pyntip ba lada don napdeng ki paidbah ki bym shym la ïoh ïaka bhah bad ki ba die palat katkum ka doe ba la bthah ki dei ban ujor lane pyntip sha ka office jong u SDO khnang ban ïoh leh ïa kaba donkam lane phone ha kine ki number Sub-Inspectors- 8414806738/9436110184/8731025753 ne Email: sdo_amlarem@outlook.com.
