Shillong, Nailur 18: U President ka Meghalaya Pradesh Congress Committee (MPCC) u bah Vincent H Pala u la ong ba ha kine ki shisnem ka party kala kynduh jingeh, hynrei mynta ki la ïoh ïa ki kyrtong kiba biang bad u don ka jingkyrmen ba kin leh bha ha ka MLA elekshon 2023.
Ha kine ki san bnai ba dang sah kam jngai shuh na ka bynta ki kyrtong ba kin pynkhreh bad u don ka jingkyrmen ba kin sa leh bha.
Ka party Congress kam tlot ei ei, ha kane ka por mynta kat sha ba phai kala dang khlain shuh shuh, peit naduh ki nongrep, ki nongkhaii lane ki nongtrei sorkar kila ïa kynduh shibun ki jingeh ha kine ki san snem kiba la dep bad ka jingkyrmen ka dei tang ka party Congress.
Mynta ka shong ha ka party Congress lada ki lah ban pynïeng ïa ki kyrtong kiba la nang la stad bad kiba khlem pat don kano kano ka jingthoh bria kin sa leh bha, ki briew na jrong ki peit beiñ ïa ka congress hynrei kin sa lyngngoh bad ka jingjop ki kyrtong kan long palat ïa kaba ki pyrkhat.
U bah Pala la ong ba ka party congress kan nym ïatehlok bad no bad no ruh ïa mynta, ka party kan pynïeng kyrtong ha baroh 60 tylli ki konstitwensi bad ïa mynta kim pat lah ban ong katno ngut kin jop hynrei ka shnong ruh ha kiwei ki party kumno ki buh kyrtong.
ïa kane u la kren ha ki lad pathai khubor ha ka jingïalang ban sam khusnam sha ki samla pule kiba la kiba la pass bala pynlong da ka Pynthorumkhrah Assembly Youth Congress, ha Bellfonte, Lumshyiap.
