Shillong: U Kunal Jain na IIM Shillong u la ïoh rah ïa ka nam jop ha ka jingïakhun ïa ka Cluster Finals jong ka Tata Crucible Campus Quiz 2022, kaba long ka jingïakhun quiz kaba ïadei bad ki kam khaii ne business ba la pynlong lyngba ka online bad kaba long ruh kaba heh tam ha India. Ki nongïashim bynta ki la pyni ïa ka sap bad ka jingstad jong ki. Ki nongjop ki la ïoh rah ïa ka song pisa kaba long 35000 tyngka bad mynta kin sa ïa airing ha ka jingïakob jong ka Zonal Finals ban ïoh rung sha ka National Finals.
U Omkar Dashetwar na IIM Shillong, u la ïoh rah ïa ka nam ba wan ba-ar, ha kaba u la ïoh ban khur ïa ka song pisa kaba long 18,000 tyngka. U Jayanta Das, Cluster General Manager North East, Darjeeling bad General Manager, Vivanta Guwahati, IHCL u la long u kongsan. Ïa kane ka jingïakob ïaleh quiz la pynlong ha ka rukom jong ka online naduh ka snem 2020.
La phiah ïa ka ri ha ki 24 tylli ki bynta bad hadien ar kyrdan jong ka jingïakob kata ha ka prelims, ki 12 ngut ki nongjop na kawei pa kawei ka bynta kin shah khot na ka bynta ka Wild Card Final ha kaba napdeng kine yn jied 6 ngut ki nongjop kiban ïakhun ha ka final. Ïa kine ki nongjop la phiah ha ki saw kynhun kata- south, east, west bad north bad kawei kawei ka kynhun ne zone kan don haduh 6 tylli ki bynta ne Clusters. Ki nongjop na kine ki saw tylli ki zonal final kin sa ïoh ban rung sha ka National Final. Ki nongjop na kine ki saw tylli ki zonal fina kin sa ïakhun ha ka Wild Card Final, bad 2 napdeng ki 4 ngut ki ba wan ba ar kin ïoh ban ïakhun ïaka National Final.
Ki 6 ngut kiba jop ha kane kin ïoh ban ïakhun ha ka National Final bad kiba ïoh heh tam ka point kin ïoh ïa ka nam kum ki lahduh ha ka jingïakob ïa ka final bad kin ïoh ruh ïa ka song pisa kaba long 2.5 lak tyngka ryngkat ka khusnam Tata Crucible. Ïa baroh ka jingïakhun final lah ban peit lyngba ka stream ba la pyllait hadien ba la dep ban pynlong ïa ka jingkob lyngba ka Tata Crucible Facebook, Twitter, LinkedIn bad YouTube channels.
U nongkylli jingkylli ba pawnam bad ba tbit U ‘Pickbrain’ Giri Balasubramaniam u la long u nongpynïaid ïa kane ka jingïakob. Kiba la ïarap ban kyrshan pisa lem ha kane ka jingïakhun ki kynthup ïa ka Tata Motors, Tata Play, Mia By Tanishq, Tata 1 mg bad Tata CLiQ.
