Ka Bank of Maharasstra kawei na ki bank ba khlaiñ ban kyrshan ram ha u 2022

0

Shillong, Jymmang: Ka Bank of Marashtra (BoM) ba dei jong ka jylla hi ka la long kawei na ki Bank kaba wan hakhmat eh ha kaba kyrshan ram sha ki paidbah bad ha ka jingkiew jong ka jingkynshew pisa ha u snem 2021-22.
Ka tnad kmie jong kane ka Bank kaba ha Pune ka ïoh ïa ka rekod ba haduh 26% jong ka jingkiew ka jingkyrshan ram ha ka cross advance ba T. 1,35,240 klur haduh kaba kut u Lber, 2022. La bud sa ka State Bank of India bad ka Union Bank ha ka jingkiew kaba 10.27% bad 9.66 % ha la ki jong ki jong.
Hynrei ha ka jingkhieñ kyllum ka jingkyrshan ram jong ka SBI ka kham heh haduh 18 shah ha ka T. 24,06,761 klur katba ka Unon Bank of India san shah ha ka T. 6,99,269 klur ban ïa nujor ïa ka BoM ha kaba kut jong ka kwatar kaba saw.
Ha kaba ïadei bad ka jingkiew ka jingkynshew pisa, ka BoM ka sakhi ïa ka jingkiew kaba 16.26% bad ka la lah ban pyntreikam haduh T. 2,02,294 klur ha kaba kut jong u Lber, 2022. Ka Union Bank of India ka la wan ba ar da kaba kot ha ka 11.99% ha ka jingkynshew pisa (T. 10,32,102 klur) katba ka Indian Bank ka rekod ïa ka jingkiew ba 10% ha ka T. 5,84,661 klur kat kum ka jingkheiñ ba la pynmih.
Kumta ka jingroi ba baroh jong ka BoM ka la long hakhmat duh ha ka 20% da ka T. 3,37,534 klur bud sa ka Union Bank of India da ka 11.04 % ha ka T. 17,31,371 klur ha kaba kut jong ka snem mang tyngka 2022. Ha kaba ïadei bad ka RAM (Retail, agriculture and MSME) segment, ka BoM ka la ïoh ha jrong duh ha ka jingkiew kaba haduh 18.25% ha ka T.80,669 klur.
Ka gross NPAs jong ka Bank ka la long jan mar shiteng sha ka 3.94% na ka 7.23% ha u Lber, 2021, katba ka net NPAs ka long palat ïa ka mar shiteng sha ka 0.97& na ka 2.48 % ha ua Lber, 2021.
Na ka bynta baroh shi snem haduh u Lber, ka nongkyrshan ram ka ïoh ia ka jingïohnong kaba kiew sha ka arshah kata T. 1,152 klur na ka T. 550 klur ha ka FY 2021, ka BoM ka ïohi ïa ka jingkiew ba 25-30% ha ka net profit jong ka ha ka snem mang tyngka ba mynta, da ka jingïarap jong ka jingkiew kaba shngaiñ na ka net interest income (NII).
Ka NII ka la kiew da 23.42% na u snem sha u snem sha ka T6044 klur ha ka FY 2022 na ka T. 4,897 klur ha ka FY 2021.

Leave A Reply

Your email address will not be published.