Ka bai helikopter dei ba leit plie ïa ka Sub Station ha Ampati ong u James

0

Shillong, Jylliew 1 : U Myntri sorkar uba dei peit mynta ia ka koit ka khiah bad mynshwa ïa ka tnad pynmih bording u James P.K Sangma u la ong ba ka bai helikopter kaba sahteng ka dei kaba la pyndonkam ha ka por ba leit plie ïa ka 132 KV Sub Station ha Ampati South West Garo Hills.
“ Kane ka dei ka prokram jongka sorkar bad ïa nga la synran lang ruh da u CMD ka MeECL. Kane ka long ha ka por ba nga long u myntri ka tnad pynmih bording. Hynrei namar ba sniew ka suiñbneng ym shym lah ban hiar ha ka thie ka jaka bad la hap ban wanphai noh” ong u James.
U la ong “ Mynta ngi dang ïakren bad ka tnad transport ban thaw lad kumno ban siew noh ïa kane ka bai helikopter”.
U la ong ïa kane haba jubab ïaka shithi na u Joint Secretary ba dei peit ïa ka tnad Power u D.D Shira sha u Director MePDCL (Distribution) ba la phah ha ka 31 tarik Jymmang hadien ba la ïoh ïa ka bill na ka tnad tranport kaba 20.82 lak tyngka naka bynta ka jingpyndonkam ïa ka helikopter.

Leave A Reply

Your email address will not be published.