Shillong, Naiwieng 3 : U Myntri Rangbah ka jylla u Conrad K Sangma ula ong mynta ka sngi ba ka aiñ kan leh ïa kaba donkam halor ka jingshah kem u Commandant ka SF-10 u bah G.K Iangrai halor ka jingkynnoh ba u pyndonkam bakla ïa ka pisa ha kaba tei ïa ka ka NERS PSAP ha Sadar Complex.“ Ka jingtohkit ka ka dang ïaid shakhmat bad ka aiñ kan leh ïa kaba donkam kat kum ki kyndon jongka” ong u myntri rangbah.
U la ïathuh ba ki la don ki jingkynnoh ba la pyndokam bakla ïaka pisa bad halor kane la ujor ejahar bad dei halor kane ka ejahar ba la aibor da ka sorkar ïa ka tnad pulit ban ïaid shakhmat ba la kem ïa u Iangrai.
U bah Iangrai uba dei u AIG (A) ba rim u la shah kem na ïing jongu na Lumshyiap, Golflink ha ki pulit SIT jongka tnad CID ha ka Sngi Balang.
