Ka AI kadei kawei na ki lad ban pynwandur ïa ka lawei jong ka pule puthi ha ka ri: Prof. Hussain

Shillong, Jylliew 03: Ka national refresher course kaba ar taiew ba la ai kyrteng ka “AI Solutions for a Sustainable and Inclusive Future” ka la kut noh ha ka 2 tarik mynta u bnai, ha North-Eastern Hill University (NEHU).
Ïa kane ka prokram ba la pynlong lang da ka UGC-Malaviya Mission Teacher Training Centre (UGC-MMTTC) bad ka tnat Electronics and Communication Engineering, NEHU, ka refresher course la pynlong online naduh ka 20 tarik u Jymmang, 2025, lyngba ka Zoom via Moodle.
Ha kane ka prokram la wan ban shim bynta da 102 ki nongtrei na ki 25 tylli ki jylla kylleng ka ri India, ba kynthup ïa ki topic kum ka artificial intelligence, machine learning, bad ki jingktah jong ki ha ka kam sumar sukher, ka pule puthi, ka jingkylla ka suiñbneng, bad ki AI ethic. Ki la don 30 ngut ki riew shemphang na NEHU, IIT, bad ki karkhana kiba noh synniang ban sam ïa ki lad jingnang jingtip. U Prof. Md. Iftekhar Hussain, Dean of the School of Technology, NEHU u la plie ïa kane ka refresher course bad banjur ba ka AI ka dei ka lad ban pynwandur ïa ka lawei ka pule puthi kaba long kaba la khreh. Katba Prof. Rupaban Subadar, Dean-in-Charge, la kren ha ka valedictory session ha kaba la ïaroh ïa kiba la shim bynta halor ki jingïadon bynta ba shitrhem.
Katba Prof. H.K. Mishra, Director of UGC-MMTTC, la kren halor ka jingdonkam ban ïasoh ha ka AI khamtam haba ïadei bad ki jingai jinghikai ïa ki nonghikai kaba long katkum ka NEP-2020. Prof. Subhash Arya, kum symbud kongsan bad Head ka Department, la batai halor ki kam jong ka tnat ba ïadei bad ka AI, 5G, Communication, Signal Processing, Chip-to-Startup, bad Silicon Photonics.
Ïa ka course kaba long kum ka jingphoh sniew la pyntyllun ïa ka kam da Dr. Juwesh Binong, da ka jingkyrshan na Dr. Kuheli B. Das kum co-coordinator, anchor, bad LMS trainer.
Ïa ka program la pynkut da ka jingai khublei da Dr. Jaydeep Swarnakar bad Dr. Sushanta Kabir Dutta halor ka jingplie bad ka jingpynkut ïa kane ka sngi. Na ka liang kiba ïashim bynta ki la ïaroh ïa kane ka prokram bad kumjuh ruh ka jingïasyllok halor ka AI. Ha ka prokram ki la don 58 ngut ki shynrang bad 44 ngut ki kynthei ha kaba bun na ki, ki la ïoh ki kyrdan A ne A+ grade, ha kaba ka la pynkupbor ïa ka NEHU halor ki jingangnud ban pynneh ïa ka jingshem thymmai lyngba ka AI.