Ka 13 tarik Ïaïong ka dei ka sngi jingsngew sih ïa ki Khasi Pnar ha Block-1&11: HBDRF

Jowai, Ïaïong 14: Ka Hynñiewtrep Border Dispute Redressal Forum ( HBDRF) lyngba u Chairman jong ka u Bah Chandame Sungoh u la pynpaw baka sngi 13 tarik ïaïong (April) ka dei ka sngi jingsngewsih ïaki paid Khasi Pnar kiba shong basah ha Raid Nangtung kaba tip mynta kum ka Block-II bad ka Elaka Labang Nangphyllut kaba tip myntra kum ka Block -I.
Ka Forum ka pynkynmaw ba dei hakane ka sngi haka snem 1951 ba ka Sorkar Assam kala khlad jubor ïaka Raid Nangtung bad ïaka Elaka Labang Nangphyllut naka Ri Jaiñtia naka Jowai Civil Sub-Division bad pynïasoh jubor ïaka sha United Cachar Mikirs & Hills, Karbi Anglong Autonomous Council mynta lyngba ka Assam Government Notification No. TAD/ R/ 31/ 50/ 149 haka por ba thaw ïaki District Councils. ïakane ka kam la leh donbor daka sorkar Assam khlem ka jingtip lane jing mynjur ong ki paid Khasi Pnar jong kane ka thaiñ kiba dei ki trai shnong jong kane ka jaka bad
Kumta ka Forum bad ha ryngkat ki paid nongshong shnong jong ka ne ka thaiñ ki ñiew ïakane ka sngi kum ka sngi ka jingsngew sih. Bad ki pyrshah jur ïakane ka jingleh donbor jong ka sorkar Assam kaba long ka jingïuh roit ïaka hok longbriew manbriew jong ki bad ki dang ïai dawa ban wanrah biang lane pynïasoh biang ïakane ka jaka sha ka ri ki Kpa tymmen jong ki sha Meghalaya.
Bad ki khmih lynti ba hakane ka jingthmu jong ka sorkar Meghalaya bad Assam ban pynbeit ïa u u pud u sam te ki nongshong shnong jong ka ne ka thaiñ kin ïoh noh ïaka hok jong ki bad ïakane ka jaka yn pynïasoh pura noh shaki bynta pdeng jong ka Ri Khasi Jaiñtia kumba juh long naduh hyndai hynthai kulong kumah.