Nongstoiñ, Lber 28: Ka seng Hynñiewtrep Youths Council Ri-Muliang Circle ryngkat ka seng Federation of Khasi Jaiñtia and Garo People Langpih Area, hadien ba ki la ïoh jingtip ba ka Assam ka wan ban thung mawpud (pillar) hapoh ka shnong Kamphaduli ka ba hap ha Langpih Sector, na ka liang ki ar seng ki la hiar ha katei ka shnong bad phud syndon ïa u te u mawpud (pillar) ba la wan thung da ka sorkar Assam.
Ki nongïalam jong ki ar seng ki la ong ba ka Assam ka khlem burom ïa ka rai ba la dep ban ïakren ha ka 16 Naiwieng 2021, ha ka por ba la wan shim bynta da baroh ar ngut ki CM ka jong ka Meghalaya bad Assam. Kumta ki lai seng ki pynpaw ka jingbitar kaba khraw ïa ka jingkheiñ dew thala jong ka Assam ïa ki paidbah nongshong shnong jong ka jylla.“Ngin ym shong kli kti lada ka Assam ka dang bteng ba leh ha ane ka rukom pynkut”, ong ki nongïalam jong ki ar seng.
