Nongpoh, Naiwieng, 03: Kum u nongmihkhmat paidbah na ka Jirang Constituency, u Bah Sosthenes Sohtun ha ka sngi Saitjaiñ ryngkat ka jingdon lang ki riewrangbah ka thaiñ Jirang, da lade u la leit ban jurip ïa ka jingpyntrei ïa ka building ban tei ïa ka Health Sub Centre kaba don ha ka Shnong Nongrim Jirang. Kane ka jingleit jurip u MLA ïa ka jingpyntrei ïa ka Health sub centre ka long hadien ba ka jingpyntrei ïa ka building jong ka Health Sub Centre ka dang ïaid shaid shaid bad kum u MLA u angnud ruh ban pyndep noh kham kloi khnang ban ïoh jngmyntoi ki paidbah ka thaiñ.
U la ong ruh ba kum u MLA u dap da ka jingsngewkmen ban ïohi ba ka kam ka la ïaid shaid shaid ha kaba pyntrei ïa ka building Health Sub Centre bad u kyrmen skhem ruh ba yn lah noh ban pyndep kham kloi kumba ki paidbah ki angnud ban ïoh ïa ka jingmyntoi.
Shuh shuh, u la ïathuh ruh ba ka Health Sub Centre kan sa ai jingmyntoi ïa kumba khyndai tylli ki shnong kiba don ha ka thaiñ bad kiba dei ruh ki shnong kiba don ha khappud ka Assambad lyngba ka jingdon kane ka Health Sub Centre u kyrmen skhem ba kan long ka jingmyntoi ïa kitei ki shnong ha khappud ka Meghalaya bad Assam.
