Nongstoiñ, Jymmang 17: Ha ka sngi thohdieng ki Executive Member bad MDC ka KHADC naduh u EM Council Building Bah Pynkhraw Kharjahrin, EM Development Bah Powell Sohkhlet, MDC Nongstoin Dr Juristman Iawphniaw, MDC Jaiaw Bah Denzil Chen bad MDC Mawphlang Bah Lancaster Marbaniang, ki la leit ban jurip ia ka tnad treikam jong ka Distrct Council kaba don ha Nongstoin.
Ha ka jingleit jurip, la lap ba ka ophis building ka dei kaba heh, hynrei la pyndonkam tang katto katne ki kamra bad ka treikam kham bun ban siew ia ka Professional Tax. Katba kiwei ki kamra bad ka Guest Room shu lait ei. Ka jaka parking ruh khlem pyndonkam.
La leit jurip ban ruh ia ka Court Building bad ka treikam bha bad dang don ki tiar bad ki kor ki bor kum ki computer kiba ym pat pyndonkam. Kane ka jingleit jurip ka long ka sien kaba nyngkong naduh ba ka VPP ka la ioh ban bat ia ka bor synshar, kaba dang long ruh dang khyndiat bnai mynta.
