Nongstoiñ, Jylliew 17: Namar ka jingdon jong ki riew shim kabu ki seng bad ki kynhun ki bym lah ban tip, kiba lum pisa beaiñ na ki riew shimet, ki nongkhaïi, ki kali kiba kit ïa ki mar ki mata kum ki mar bam bad kiwei kiwei, u bah Garod L.S.N Dykes District Magistrate ka West Khasi Hills, katkum ka bor ba la pynkup ha u mynta ka sngi hat majai ka 17 tarik Jylliew, u la pynbna paitbah ba katkum ka kyndon 123 jong ka BNSS Act 2023.
La khang pyrshah ïa kino kino ki riew shimet, ki kynhun ne ki seng bapher bapher ba kin lum pisa na kino kino ki briew, ki nongkhaïi, ki jaka treikam bad kiwei kiwei.
Kino kino kiba pynkheiñ ïa katei ka hukum kin shah pynshitom ha ka kyndon 223 jong ka BNSS Act. Katei ka hukum kan treikam ha baroh ki bynta jong ka West Khasi Hills District tad haduh ban da pynbna da kumwei pat.
