Shillong, Risaw 07: Ka khubor ba la ïoh na ki pulit la ïathuh ba ka Susana Hek ka la phah ka jingujor ba ha ka 3 tarik mynta u bnai, ka la shem ba ki runar bym lah ban ithuh ki la tuh ïa ka scooter jong ka kaba don u nombar ML-05A-4353 napoh ka jaka sah jong ka kaba ha Golf Links Pdengshnong, Shillong.
Ha kawei pat ka jingjia ki pulit ki la ïathuh ba uwei ka nongshong shnong uba sah ha Shillong ka la phah ïa ka jingujor ba ha ka 3 tarik mynta u bnai, ki jingdeng sohshkor ba da ka ksiar kiba dei jong ka kurim jong u kiba shongdor kumba T. 1.5 lak, la shem ba ki la jah napoh ka ïingsah jong u bad ha ka jingujor la suba ba ka nongtrei ïing jong u ka lah ban donkti halor kane ka kam.
Shuh shuh ha kawei pat ka jingjia u Tengbath B Marak u la phah ka jingujor ba ha ka 2 tarik mynta u bnai ki runar bym lah ban ithuh ki la tuh ïa ka scooter jong u kaba don u nombar ML-13A-4329 napoh ka shnong Hatibasa (NGH).
Ha kawei pat ka jingjia ki pulit ki la ïathuh ba u Salsrang D Marak da ka ktien u la ïathuh ba ha ka janmied jong ka 4 tarik mynta u bnai, ki runar bym lah ban ithuh ki la tuh ïa ka thuk thuk jong u kaba don u nombar ML-14-7494 napoh ka shnong Chelapara (SWGH).
