Shillong Jylliew 20: Katkum ka khubor ba la ïoh na ki pulit la ïathuh ba u Bah Strongbor Nongrum u la phah ïa ka jingujor ba ha ka 14 tarik mynta u bnai, ki runar bym lah ban ithuh ki la tuh ïa ki sying jong u napoh jaka thung sying kaba ha Mawlai Umthlong, Lummawnei, Shillong. Ha kawei pat ka jingjia ki pulit ki la ïathuh ba ki nongshong shnong ka Zikzak kaba ha South West Garo Hills ha ka 16 tarik mynta u bnai ki la ïoh bat bad ki la ai jingsneng ïa uwei uba kyrteng u Ainal Hoque 23 snem ka rta katba u dang tuh ïa ki power cable napoh u mobile tower ba ha ka shnong. Kumta halor kane ka jingjia utei uba la shah kynnoh u la mynsaw bad ki pulit ki la kurup noh ïa kitei ki cable ba la shah tuh.
