Jur ka jingshah tuh Scooter bad thuk ha kiba bun ki jaka

Shillong, Nailar 11: U Bah Derick S Lyngdoh na Lower Lachumiere, Shillong u la phah ka jingujor ba ha ka 9 tarik mynta u bnai ki runar bym lah ban ithuh ki la tuh ïa ka scooter jong u kaba don u nombar ML-05X-1662.
Ha kawei pat ka jingjia u Depen Borah u la phah ka jingujor ba ha ka 9 tarik mynta u bnai ki runar bym lah ban ithuh ki la tuh ïa ka scooter jong u kaba don u nombar ML-05X-5302 na MPRO Quarters, Mawpun, Shillong.
Shuh shuh ha kawei pat ka jingjia u Bah Banteilang Marbañiang u la phah ka jingujor ba ha ka 8 tarik mynta u bnai ha ka por 8.30 baje mynstep, u la shem ba ka thuk thuk jong u ka la jah na Mawshbuit, Shillong.
U Bah Niall N Khongwir u la phah ka jingujor ba ha ka miet jong ka 7 tarik mynta u bnai ki runar bym lah ban ithuh ki la tuh ïa ka thuk thuk jong u kaba don u nombar ML-05R-3575 na ïingsah jong u kaba ha Riatsamthiah Block-I, Shillong.