Shillong, Jylliew, 01: U Superintendent of Police (F&ES), Shillong u la pyntip na ka daw ka jingjyllei shaba palat ki kam runar ruser bad ka jingshah tuh jong ki Cable ha nongbah Shillong, ka jingtreikam jong ka Landline bad ka Broadband ki la thud katkum ka jingïathuh jong ki bor ba dei peit jong ka Bharat Sanchar Nigam Limited (BSNL) bad kan don ka jingbym treikam ïa mynta shipor.
Shuh shuh, la pyntip ba ïa ki Landline Number ba la don lypa yn sa ai biang ynda la pynkylla sha ka FTTH (Fiber to the Home).
Namarkata, na ka bynta ki jingdonkam ba kyrkieh, ki paidbah ki lah ban telephone ha ki Emergency Numbers ba thymmai, 1). Emergency Number (NERS): 112 bad 2). Tablet Number: 7640003646.
