Shillong, Nohprah 07: U Amar Kr Hajong ka Mondoltilla, Tura (WGH) u la phah ka jingujor ba ha ka janmiet jong ka 2 tarik mynta u bnai, ki runar bym lah ban ithuh ki la tuh ka pisa kumba T. 30,000/- napoh ka dukan jong u.
Kawei ka longkmie ba na ka shnong Baghmara (SGH) ka la phah ka jingujor ha Tura PS ba ha ka 27 tarik u Naiwieng, 2025, ka la ïoh jingtip ba ki runar bym lah ban ithuh ki la shna ïa ka Facebook account kaba thok da ka dur ka dar jong ka, khlem da ïoh ka jingmynjur jong ka.
U Edonath M Marak u la phah ka jinujor ba u la shah thok ka pisa kaba ym lah ban ai jingkhieñ na ki multiple Saving Bank account, online.
