Nongpoh, Risaw 05: Ki pulit ka Nongpoh Traffic Police hynnin ka sngi ki la pynlong ka jingtalasi naphang ïa ki kali pynkheiñ aiñ naduh ki ar sha ka naduh ka por mynsngi haduh ka por mynmiet namar ka jingjur jong ki nongñiah kali kiba la buaid.
Ha ka jingtalasi jong ki Pulit, ki la lap ba bun na ki paidbah kim patiaw satia ïa ki aiñ ñiah kali khamtam ka jingshngaiñ ka jingim ban deng ki helmet, ki seatbelt, watla ki pulit ki ju ai ka jinghikai bad ka jingmaham na ka por sha ka por ïa ki paidbah ba leit ba wan.
Tang ha ka sngi Saitaiñ ha ka jingtalasi, ki Pulit ki la ïoh ban daiñ kuna haduh T.1,33,000 ha ka por mynsngi bad T. 1,60,000 na ki nongñiah kiba dih buaid ha ka por mynmiet bad baroh ka jingïoh lum jong ki pulit ka la kot kumba T.2,93,000.
Ki Pulit ki la maham ruh ïa ki paidbah ba kim dei ban kheiñ sting haba ñiah kali naduh ki ar sha ka haduh ki kali heh hynrei ban bud ryntih ïa ki kyndon aiñ na ka bynta ka jingshngaiñ bad ban lait na kino kino ki jingjia ba sngewsih.
