Nongpoh, Nailur 19: Ha kawei na ka jingjia ïa tyngkhuh Kali, kawei ka Kali MG Gloster kaba don I au Number AS 01 FZ 0030 ka la julor bad ka la wan rah ka jingduhnong, kaba dei hadien ba ka trok kaba don ïa u nuber AS 01 DD 7092 kala kylla sha shilaing ka surok bad tynrah ïa katei ka Kali kaba la wan rah ka jingmynsaw u dribar.
La ïathuh ba kane ka jingjia ka la jia mynta ka sngi ha ka por 2 baje ei ei noh phai sngi ha GS Road Shillong ba hap ha ki bynta ka Khanapara, ha kaba katei ka trok ba kit tiar kali, ha ka jingpynher sted u dribar ka la leit ban tynrah ïa u Divider bad poi sha shiliang surok bad sa leit ban tynrah ïa katei kawei pat ka Kali kaba dang wan na Guwahati ban leit sha Sonapur.
Ha kane ka jingjia, ka jinglulor kam dei satia tang ïa katei ka Kali MG Gloster bad kumjuh ruh ïa katei ka trok, kaba kit tiar Kali kaba la julor bad kynthup kitei ki tiar kiba ka kit. La ong ruh na kane ka jingjia, la wan rah ruh ka jingdheng Kali kaba la neh katto katne por ha kaba la pyrsyrtok ïa ki paidbah nongleit nongwan lyngba kane ka surok GS road.
Shuh shuh, la ong ruh halor kane ka jingjia, ki Pulit ka Jorobat ki la wan poi ban tohkit halor kane ka jingjia bad ruh ban weng ïa kitei ki Kali khnang ba kan nym ktah ïa ka leit ka wan ki paidbah. ka jingtohkit ruh ka dang ïaid shakhmat ban lap ïa ka daw tynrai jong kane ka jingjia ïa tyngkhuh kali.
