Shillong, Lber 25 : U MDC ka Mawhati Bah Kynjohlang Rangtong u la shah jied ban shimti da kaba suk ïa ka shuki Deputy Chairman jong ka KHADC hadien ba na ka Liang Pyrshah ka khlem sei kyrtong ban ïakhun pyrshah.
Hadien ba la shah jied, na ka liang u CEM Bah Shemborlang Rynjah ryngkat u Nongïalam ka Liang Pyrshah Bah Titos W Chyne ki la leit ruh ban synran ïa u Bah Kynjohlang haduh ka jaka shong kaba la buh na bynta u Deputy Chairman ha Iing Dorbar.
Kane kadei ka sien kaba ar ba u MDC ba mihkhmat ïa ka Mawhati un shah jied ban bat ïa ka shuki Deputy Chairman, kata hadien jong u MDC barim ba dei ruh u MLA ba mynta ka thain Bah Charles Marngar.
