Jop suk ka The Legend (Lissi Pearl) da 93 ron ïa ka War Jaiñtia United ha ka WJHDCA Cricket League 2026

Jowai, Lber 02: Ka The Legend (Lissi Pearl) kala jop da 93 run ïa ka War Jaiñtia United, haka jingïalehkai mynta ka sngi 2 tarik u Lber jong ka District Cricket League 2026 bala pynïaid da ka West Jaiñtia Hills District Cricket Association ha Khliehtyrchi.
Hadien ka jingkynting pisa, ka War Jaiñtia United kala jied ban kawang bol nyngkong. Ka The Legend (Lissi Pearl) haba tied nyngkong kala kamai 176 run bad shah pynhap baroh ki Wicket ha ki 30.4 over. U Dachange Mi Phawa ula kamai 85 runs na 88 bols kynthup ïa 13 tylli ki 4 run. U Conard Sana ula kamai 25 run na ki 36 bol kynthup ïaki 4 tylli ki 4 run. Na ki nong kawang bol jong ka War Jaiñtia United, u Wanso bad u Phrang Khyriem ki la ïoh ban pynhaap mar 3 wiket.
Haba wan ban beh ïa ka thong, ka War Jaiñtia United ka la lah ban kamai tang 83 ron bad khyllem lut baroh ha ki 22.2 over. Napdeng ki nongtied jong ka don 3 ngut kiba ïoh 0 run bad tang uwei uba lah bam kamai ar dak. U Kampher Pohlong ula kamai 15 run na ki 24 bol kynthup 3 tylli ki 4 run. U Conard Sana na ka The Legend ula long u nongkawang bol uba kynsai bha da kaba shim 6 wickets bad ai tang 12 runs na ki 5.2 overs. U Rae Sari ruh ula leh bha da kaba shim 3 wicket na ki 7 over.
Ïa ka nam Man of the Match la ïoh rah da u Conard Sana (C) u nongïalehlai ka The Legend (Lissi Pearl) uba lehkai bha ha kaba kawang bol bad ruh ha kaba tied.
La pyntip ka jingïalehkai lashai ka sngi 3 tarik kan long hapdeng ka Khliehtyrchi SC pyrshah ïa ka Lion Y&SA haka por 9 baje mynstep.