Jop ki nongtrei ka PLV ïa ki Muktiar ha ka jingïalehkai phutbol shi paralok ha Jowai

Jowai, Jymmang 28: Shi bynta ban pynpyngngad ïa ka jabieng bad ban ïoh ïa ka jingkilan met lyngba ka jingïalehkai phultbol shi paralok, na ka liang ki bor pynïaid jong ka District Legal Service Authority West Jaiñtia Hills District kiba pynlong ïa ka “Friendly Football Match” hynnin ka sngi ha madan Kiang Nangbah Stadium Dongmihsngi Jowai.
Kine ki ar kynhun kiba la wan ban ïa aireng ki long hapdeng ki nongtrei jong ka District & Session Court Para Legal Volunteer (PLV) pyrshah ïa ki nongtrei jong ka Muktiar ka Jowai Bar Association & Legal Aid Counsels.
Ha shwa kane la ïoh ïa ki kyntien lamphrang da ka kong R.M. Kharsyntiew kaba dei ka Chief Judicial Magistrate-Cum-Secretary DLSA West Jaiñtia Hills District Jowai, kaba la batia shaphang ka jingmut jong kane ka jingïalehkai phutbol shi paralok, ha ka juh ka por kala pynsngew ba kane ka long shi bynta ban pynïajan bad ka jingiaieit kum ki para nongtrei kiba don hapoh ka Legal Services Institutions namar ki dang die kawei ka tnad treikam jong ki.
Haba phai sha ka jingïakhun hapdeng kitei ki ar kynhun ha ka kylla step ka District & Session Court Para Legal Volunteer (PLV) kala ïoh ban thep haduh 2-0 kol, hadien jong ka kylla miet ka Jowai Bar Association & Legal Aid Counsels kala ïoh ban thep 3 kol katba ka PLV kala ïoh thep sa kawei ka kol kaba la pynïakhait da 3-3 kol haduh ba kut ka jingïakhun.
Ïa kane ka jingïalehkai la hap ban pyniïkhun noh da ka Tie Breaker ha kaba ka kynhun ïalehkai jong ka District & Session Court Para Legal Volunteer (PLV) ka la jop da 4-2 kol ïa ka Bar Association & Legal Aid Counsels. Ïa ki khusnam sha ki nongjop la sam da ka kong R.M. Kharsyntiew.