Jowai, Nailar 14: Ka lympung ïalehkai phutbol jong ka ‘Joybell Suiam Memorial 2nd Division Football League TSA’ bad ka ‘Kesilroy Pala Memorial Super Division TSA’ bala pynïaid da ka Thadlaskeiñ Sports Association (TSA) West Jaiñtia Hills kaba la long mynta ka sngi 14 tarik u Nailar, 2025 ha ka jingwan sakhi long u MLA ka Jowai u ma Wailadmiki Shylla.
Haka jingïakhun ba nyngkong jong ka Joybell Suiam Memorial 2nd Division Football League TSA ka Thadmynri SC kala lah ban pynliem da 3-1 kol ïa ka Hunlang i Moobakhon, ïa kitei ki kol na ka Thadmynri SC la thep da u Watslem Nongrum haka minit ba 3 bad u Sainbor Nongrum haka minit ba 48 & 60. Ïa ka kol na ka Hunlang i Moobakhon la thep da u Rejoy Shylla haka minit ba 24.
Haba phai sha ka jingïakhun jong ka Kesilroy Pala Memorial Super Division TSA ka kynhun ïalehkai jong ka Mukhla Raij kala jop da 3-0 kol ïa ka Niriang SC. Ïa ki kol na ka Mukhla Raij la thep da u Chandame Suna lyngba ka Penalty haka minit ba 16, u Davidson Iawphniaw haka minit ba 46 bad u Balan Mawlong haka minit ba 81 min.
La pyntip ba ka jingïakhun haka 16/08/2025 haka kyrdan ‘Joybell Suiam Memorial 2nd Division Football League ka Mukhla Nongrim pyrshah ïa ka Maia Club Umjlasiaw. Katba ka Modop Youth FC pyrshah ïa ka Nongkhroh Sohbar.
Ha ka kyrdan jong ka Kesilroy Pala Memorial Super Division TSA ka Grounded kan ïakhun pyrshah ïa ka Mookyndur SC. Katba ka Wahiajer SC pyrshah ïa ka Nongkhroh krem kum.
