Jowai, Nailur 04: Ka lympung ïalehkai phutbol jong ka ‘Joybell Suiam Memorial 2nd Division Football League bad ka ‘Kesilroy Pala Memorial Super Division bala pynïaid da ka Thadlaskeiñ Sports Association (TSA) West Jaiñtia Hills kaba la long hynne ka sngi Palei (04 tarik u Nailur, 2025) ha madan Wahiajer Multi-Sports Complex.
Haba phai sha ka jingïakhun kaba nyngkong jong ka 2nd Division ka Thadmusem kala jop da 3-0 kol da kaba pynliem ïaka Lad Mukhla.
ïa kitei ki kol na ka bynta ka Thadmusem la thep da u Kamni Dkhar haka minit ba 10 bad u Tony Dkhar u la thep ar kol haka minit ba 27 bad ha ka minit ba 68.
Haka jingïakhun kaba ar ka Laru FC kala pynliem noh da 2-1 kol ïaka Modop Nartiang, bad ïa ki kol na ka Laru FC la thep da u Bahnah Suting haka minit ba 61 bad u Rowelson Langshiang haka minit ba 67. Ïa ka shikol na ka Modop Nartiang la thep da u Fredy Khynriam haka minit ba 6.
Haba phai pat sha ka jingïakhun jong ka Kesilroy Pala Memorial Super Division ka Heiboriong Iong-I FC kala jop da 2-1 kol ïa ka Mookyndur SC, ïa ki kol na ka Heiboriong-I FC la thep da u Bayahun Tariang haka minit ba 11 bad u Emlang Shadap haka minit ba 58. Ïa ka shikol na ka Mookyndur SC la thep da u Careful Suting haka minit ba 35.
La pyntip ba ka jingïakhun kan bteng haka 05/09/2025 haka kyrdan ‘Joybell Suiam Memorial 2nd Division Football League haka por 10 baje ka Thadmynri pyrshah ïaka Lumkynsaw. Ha ka por 12 baje mynsngi ka Maskut pyrshah ïaka Namdong-A.
Katba haka kyrdan jong ka Kesilroy Pala Memorial Super Division haka por 3 baje nohphai sngi ka Mukhla Raij pyrshah ïaka Nongkhroh Rim.
