Shillong, Nailur 13 : Ka Mawynrew Cup Committee (MCC) ha ka sngi ba ar ka la bteng biang ka jingpynïalehkai football jong ka Mawkynrew Cup jong ka Zone IV ha madan ïalehkai Jatah Lakadong.
Ha katei ka sngi la ïoh ban pynïalehkai lai tylli ki jingïalehkai. Ka jingïalehkai kaba nyngkong ka la long hapdeng ka Siangkhnai SC pyrshah ïa ka Syntung ha kaba ka jingïalehkai ka long kaba mar ïakhaid bha bad dei ka Siangkhnai kaba la khur ïa ka jingjop da kaba pynliem lyngba ka jingïashut tie breaker da 6-5 kol.
Ha ka jingïalehkai kaba ar, ka la long hapdeng ka Ksanrngi pyrshah ïa ka Mawsna bad ka Mawsna ka la jop da 2-1 kol ha ka jingïakhun kaba jwat bha, katba ha ka jingïalehkai kaba khatduh ha katei ka sngi, ka la long hapdeng ka Nohroh FC pyrshah ïa ka Mawsir SC bad ka Nohron SC ka la pynliem da 3-0 kol.
