Jowai, Naitung 21 : Ka lympung ïalehkai phutbol Independence Day Cup Under-17 Football Tournament 2022 ba la pynïaid da ka West Jaiñtia District Sports Association Jowai mynta ka sngi ha madan Kiang Nangbah Stadium, Jowai.
Haba phai sha ka jingïakhun ba nyngkong ka kynhun jong ka Saiñdur Mihmyntdu kala lah ban pynliem ïa ka Chutwakhu da 1-0 kol, ïa ka shikol la thep da u Rowan Phawa ha ka minit ba 46.
Ka jingiakhun ba ar hapdeng ka Mulang Ialong pyrshah ïa ka Lion Sports & Youth Affairs, na ka liang ka Mulang Ialong ka la jop haduh 4-0 kol, kawei ka kol la kum thep bakla sha ka kol la jong ka LS&YA ha ka minit ba 10, u Chalet Phawa ula thep ha ka minit ba 33 bad 40, katba u Samitlang Pale ha ka minit ba 48.
Ha ka jingïakhun kaba lai ka Dulong kala lah ban pynliem da 2-0 kol ïa ka Nangbah Mulang ki rangïalehkai jong ka kiba la ïoh ban thep kol ki long u Wankibha Pohthmi ha ka minit ba 9 bad u Sahame Lyngdoh ha ka minit ba 28. Katba haka jingiakhun kaba saw ka 7 Wasa kala jop da 4-0 kol ïa ka Khimusniang, ïa kitei ki kol jong ka 7 wasa la theh da u Sambha Ryngkhlem ha ka minit ba 9, u Rangkynsai Mukhim ha ka minit ba 10 bad u Ram Lakhi ha ka minit ba 53.
