Jowai, Naitung 27 : Ka lympung ïalehkai phutbol Independence Day Cup Under-17 Football Tournament 2022 ba la pynïaid da ka West Jaiñtia District Sports Association (WJDSA), Jowai mynta ka sngi ha madan Kiang Nangbah Stadium, Jowai.
Haba phai sha ka jingïakhun ba nyngkong ka kynhun ïalehkai jong ka Sailung Ialong kala lah ban pynliem ïa ka Nangbah Mulang da 2-0 kol. Ïa kitei ki ar kol na ka Sailung Ialong la thep da u Prosperly Dhar ha ka minit ba 5 bad u Saxmi Brawan Pale haka minit ba 15.
Ha ka jingïakhun kaba ar ka 7 Wasa FC ka la jop da 4-0 kol ïa ka Lumpyrtuh Mihmyntdu by 4-0 bad ïa ki saw kol la thep da u Dawan salan Malang haka minit ba 8, u Sambha Ryngkhlem haka minit ba 14, u Rangkynsai Mukhim haka minit ba 29 bad u Daiabaitki Langshiang haka minit ba 60+1.
Ka jingïakhun ba lai kaba la long hapdeng ka Caroline Colony pyrshah ïa ka Mukhla Raij kala poi noh sha ka jingïakhaid da mar shikol 1-1. Na ka liang ka Caroline Colony la theh nyngkong ïa ka kol da u Kamai da o Paslein haka minit ba 33, ka Mukhla Raij ka la ïoh ban pynphai kylla ïa katei ka shikol lyngba u Wansalan Sari ha ka minit ba 42 bad ka jingïakhun hapdeng kine ki ar kynhun kala poi noh sha ka jingïakhaid.
Katba ha ka jingïakhun kaba saw ka kynhun jong ka Lumpariat kala lah ban pynliem da 2-0 ïa ka Lion Sports and Youth Affairs. Ïa kitei ki ar kol la thep da u Samedonhi Sukhlain ha ka minit ba 43 bad u Phahmonmi Rupai ha ka minit ba 45.
