Jowai, Risaw 20: Ka lympung ïalehkai phutbol jong ki kynthei kaba la tip kum ka “1st Women League Football Tournament 2025 bala pynïaid da ka West Jaiñtia District Sports Association, (WJDSA) Jowai kaba la long ha ka 20 tarik u Risaw ha madan Kiang Nangbah Stadium Dongmihsngi Jowai.
Haka jingïakhun ka Sabahmuswang kala lah ban pynliem da 3-0 kol ïaka Q.C.S Womem FC, ïa kitei ki kol na ka Sabahmuswang la thep da ka Pynsaindur Phawa haka minit ba 24, ka Anika Shylla haka minit ba 27 bad ka Darihun Shylla haka minit ba 51.
Haba phai pat sha ka jingïakhun jong ka kyrdan 13th Chatister Kharkongor Memorial Trophy 1st Division Football Tournament-2025 kaba la long mynta hi ka sngi, ka Khliehïongriang kala pynliem da 3-1 kol ïaka Lion Sports & Youth Affairs, ïa ki kol na ka Khliehïongriang la thep da u Richard Dhar haka minit ba 45, u Shwaki Dhar haka minit ba 55 bad u Heibormi Talang haka minit ba 72. Katba ïaka shikol na ka Lion Sports Youth Affairs la thep da u Jervisly Rymbai haka minit ba 61.
