Jowai, Naitung 20 : Ka lympung ïalehkai phutbol ‘Independence Day Cup’ Under-17 Football Tournament 2022 ba la pynïaid da ka West Jaiñtia District Sports Association Jowai kaba la long mynta ka sngi ha madan Kiang Nangbah Stadium, Jowai.
Ki ar tylli ki kynhun ïalehkai kita ka Sabahmuswang bad Ladthadlaboh kila long kum ki nongjop ha kane ka sngi. Haba phai sha ka jingïakhun kaba nyngkong kaba la wan ban aireng hapdeng ka Sabahmuswang pyrshah ïa ka Nangbah Sports Association (NSA) na ka liang ka kynhun ïalehkai jong ka Sabahmuswang kala jop da 2-0 kol bad ïa kitei baroh ar kol la thep da u M. Shylla ha ka minit ba 54 bad 60.
Katba ha ka jingïakhun kaba ar ka Ladthadlaboh kala lah ban pynliem ïa ka Mookynphad Mihmyntdu da 2-0 kol, ïa kitei ki kol la thep da u Shanki Amryngsong ha ka minit ba 18 bad u Samson Swer ha ka minit ba 25.
