Jowai, Ïaïong 09: Ka lympung ïalehkai phutbol ba la tip kum ka ‘2nd U Adelbert Laloo Memorial Trophy’ jong ka kyrdan 3rd Division Football Tournament 2022 ba la pynïaid da ka West Jaiñtia District Sports Association (WJDSA) kaba la long mynta ka sngi 9 tarik u Ïaïong ha madan Kiang Nangbha Stadium Jowai.
Ha ka jingïakhun ba nyngkong ka kynhun ïalehkai jong ka Risingsun Mukhla kala jop da 2-0 kol pyrshah ïa ka Lumbhahdakha bad ïa katei ka ar kol la theh da u Wadshwa Rymbai ha ka minit ba 60 bad u Rimi Pyrtuh ha ka minit ba 73.
Ka jingïakhun ba ar kala long kaba kham noh shilliang namar ka kynhun Pasyih Cultural and Sports Club kala jop ïa ka Nangbah Mooknor da 5-1 kol, ïa ki kol na ka Pasyih C&SC la theh da u Hammyllien Dkhar ha ka minit ba 25, u Sakhiatmi Siangshai ha ka minin ba 30, u Shaniah Dkhar ha ka minit ba 63, u Deiwi Rymbai haka minit ba 69 bad u Sambud Dkhar ha ka minit ba 80, katba ïa ka shikol na ka Nangbah Mooknor la thep da u Rilangki Susngi ha ka minit ba 54.
Katba ha ka jingïakhun kaba lai pat kaba la long hapdeng Nonglatem pyr shah ïa ka Mookyrdup bad ha kane jingïakhun ka Nonglatem kala jop da 2-0 kol ïa ka Mookyrdup, ïa kitei ki ar kol la theh marwei da u Tomi Lamare ha ka minit ba 7 bad 49.
Ka jingïakhun ha ka sngi nyngkong 11 tarik kan long hapdeng ka Mait shaphrang Mootyrshiah pyrshah ïa ka Pateinki Sabah ha ka por 11 baje mynstep, ka Madankynsaw Mookyndeng pyrshah ïa ka Mupliang ha ka por 1 baje nohphai sngi bad ka Madan Thadmuthlong pyrshah ïa ka Tpep-Pale haka por 3 baje janmiet.
