Jowai, Nailur 21 : Ka lympung ïalehkai kiba la kot 40 snem shaneng ne ka ‘40 Above Veteran Knockout Football Tournament-2022′ bala pynïaid da ka West Jaiñtia District Sports Association (WJDSA) mynta ka sngi ha madan Kiang Nangbah Stadium Dongmihsngi, Jowai.
Ha ka jingïakhun ka kynhun ïalehkai jong ka Real OIG kala lah ban pynliem da 3-1 kol ïa ka Yesteryear, ïa ki kol na ka Real OIG la thep da u Jewelson Tynsong ha ka minit ba 35, u Donkupar Nongrum ha ka minit ba 42 bad u Balumlang Lyngdoh ha ka minit ba 59. Katba ïa ka shikol na ka Yesteryear la thep da u Dawanohi Chullai ha ka minit ba 10. Lyngba kane ka jingjop jong ka Real OIG ka la ïoh ban rung sha ka ‘Quarter Final’ jong kane ka lympung.
