Jowai, Naiwieng 25: Ka kynhun ïalehkai jong ka R.Shkenshynriah SC kala jop da 2-0 kol ïaka Shilliang Umshong SC haka jingïakhuh Eliminator mynta ka sngi jong ka kyrdan Super Division Football Tournament-2025, kaba la tip kum ka 5th Kyrmen Shylla Contribution Trophy, ïa kaba la pynïaid daka East Jaiñtia Hills District Football Association (EJHDFA) ha madan Artificial Turf, Diengshynrum, Khliehriat.
Ïa kitei ki ar kol na ka R.Shkenshynriah SC la thep da u Ribiang Dkhar haka minit ba 60 bad u Raplangki Lyngdoh haka minit ba 79.
Da kane ka jingjop ka R.Shkenshynriah SC kan pynkhreh ban aireng pyrshah ïaka Diengshynrum SC haka Qualifier-2 haka 1/12/2025 (Monday) haka por shi baje nohphai sngi.
Ïa ka nam Player of the Match mynta ka sngi la ïoh rah da u Raplangki Lyngdoh naka R.Shkenshynriah SC uba lah ban ïalehkai bha ha kane ka jingïakhun.
