Mawkyrwat, Ïaïong 26: Ka Tyrsad Area Sports Association (TASA) ka la ïoh ban bteng biang ïa ka lympung ïalehkai kynjatbol kaba la tip kum ka ka 1st, 2nd bad 3rd Divisions Football Tournament 2022 hapoh ka Madan jong ka shnong Kyrphei, East Khasi Hills District, ha kaba ha ka 1st Division jong ka TASA ka Pyndenumbri SC ka la jop noh da 1 – 0 kol pyrshah ïa ka Seng Samla Nongspung SC.
Ïa ka shikol na ka bynta ka Pyndenumbri Sports Club la ïoh ban thep da u Badlang Kharsyntiew ha ka minit kaba 13 jong ka kyllastep.
Ha ka jingïalehkai jong ka 2nd Division pat ka Kyrphei Sports Club ka la pynliem noh da 1 – 0 kol ïa ka Nongwah Sports Club da kol na u Humble Rynjah ha ka minit kaba 50m kaba dei ha ka jingïalehkai jong ka kyllamiet. Katba ha ka 3rd Division pat la jop da ka Wahlyngkien Ramklang Sports Club ïa ka Niamsang Sports Club.
