Jowai, Nailur 07: Ka lympung ïalehkai phutbol jong ka ‘Joybell Suiam Memorial 2nd Division Football League bad ka ‘Kesilroy Pala Memorial Super Division bala pynïaid da ka Thadlaskeiñ Sports Association (TSA) West Jaiñtia Hills kaba la long ha ka sngi Saitjaiñ 06 tarik u Nailur ha madan Wahiajer Multi-Sports Complex.
Haka jingïakhun ba nyngkong jong ka 2nd Division hapdeng ka United Phyllong Iingkhaw bad ka Mukhla Sohshrieh kila poi sha ka jingïakhaid da mar 2-2 kol, ïa ki kol na ka United Phyllong Iingkhaw la thep da u Juh-i-ki Suting haka minit ba 3 & 5. Na ka liang ka Mukhla Sohshrieh la thep da u Treki Sari ha ka minit ba 12 bad u Ebious Sari haka minit ba 47.
Haka jingïakhun kaba ar ka Mukhla Mission kala jop da 7-1 kol ïa ka Mukhla Veteran, ïa ki kol na ka Mukhla Mission la thep da u Bishar Dkhar haka minit ba 12 & 37, u Jofferson Bang ha ka minit ba 36, 40 & 47, u Oliver Rymbai haka minit ba 42 bad u Arny Dkhar haka minit ba 50. Ïa ki kol na ka Mukhla Veteran la thep da u Constant Syngkon haka minit ba 2.
Haba phai pat sha ka jingïakhun ba nyngkong jong ka Kesilroy Pala Memorial Super Division ka Pohskur Phyllong Iingkhaw kala jop da 2-1 kol ïa ka Niriang, ïa ki kol na ka Pohskur Phyllong Iingkhaw la thep da u Maidong Mukhim haka minit ba 60 bad u Kamwathrang Mukhim haka minit ba 84. Ïa ka shikol na ka Niriang la thep da u Livingstar Myrboh haka minit ba 44.
Ha ka jingïakhun kaba ar ka Lumphyrnai Sohphoh kala jop da 13-1 kol ïaka Heiboriong-i FC ïa ki kol na ka Lumphyrnai Sohphoh FC la thep 6 kol marwei da u Sumar Suting ha ka minit ba 9, 16, 32, 51, 84, 90+2, u Wellson Suting haka minit ba 55, 64 & 74, u Pynbiang Mynsong ha ka minit ba 45+2, u Dapyntgen Suting haka minit ba 57, u Hamebanjop Khynriam haka minit ba 62 bad u Arniki Suting ha ka minit ba 81. Ïa ka shikol na ka Heiboriong-i FC la thep da u Riwan Rymbai ha ka minit ba 56.
La pyntip baka jingïakhun kan bteng haka 09/09/2025 haka kyrdan ‘Joybell Suiam Memorial 2nd Division Football League haka por 10 baje mynstep ka Lumkynsaw kan ïakhun pyrshah ïaka Bamkamar Wah. Katba haka Super Division haka por 3 baje nohphai sngi ka Lumphyrnai Sohphoh pyrshah ïa ka Mookyndur SC.
