Jowai, Ïaïong 18: Ka lympung ïalehkai phutbol ba la tip kum ka ‘2nd U Adelbert Laloo Memorial Trophy’ jong ka kyrdan 3rd Division Football Tournament 2022 ba la pynïaid da ka West Jaiñtia District Sports Association (WJDSA) kaba la long ha kane ka sngi 18 tarik u Ïaïong ha madan Kiang Nangbha Stadium Jowai.
Ha ka jingïakhun ba nyngkong na ka liang ka kynhun ïalehkai jong ka Pateinki Sabah kala jop da 2-0 kol pyrshah ïa ka pyrshah ïa ka Khliehmyntdu Neinchnong bad ïa katei ki kol na ka Pateinki Sabah la theh da u Lakhon Dkhar ha ka minit ba 18 bad u Trei Shyllai ha ka minit ba 41.
Ka jingïakhun ba ar kala long hapdeng ka Saiñdur Mihmyntdu pyrshah ïa ka Khliehmuchut Shangpung, ka jingïakhun kala poi noh da ka jingïakhait da mar 2-2 kol. Ïa ki ar kol na ka Saiñdur Mihmyntdu la thep da u Damon Rymbai ha ka minit ba 74 bad u Azariah Lamare ha ka minit ba 76, katba na ka Khliehmuchut Shangpung la theh da u Arwan Phhadong ha ka minit ba 48 bad u Elizer Suiam ha ka minit ba 77.
Katba ha ka jingïakhun kaba lai ka khunhun ïalehkai jong ka Mawsiang FC Nongkhroh ka la jop da 4-3 kol ïa ka Iong-I dahi FC, ïa ki kol na ka Mawsiang FC la theh da u Pyndapbiang Myrboh ha ka minit ba 5, u Desiders Pyrtuh ha ka mint ba 18 bad u Rio Myrboh ha ka minit ba 45 & 79. Na ka liang ka Iong-I dahi FC la theh da u Confirm Sana ha ka minit ba 55, u Stingbha Dkhar haka minit ba 67 bad u Denis Lyngdoh ha ka minit ba 75 min.
Ka jingïakhun lashai ka sngi nyngkong jong ka 19 tarik kan long hapdeng ka Iooksi Youth Welfare pyrshah ïa ka Pasyih Cultural and Sports Club ha ka por 11 baje mynstep, ka Mookynphad Mihmyntdu pyrshah ïa ka Risingsun Mukhla ha ka por 1 baje nohphai sngi bad ka Mukhla Umlangshor pyrshah ïa ka Nonglatem haka por 3 baje janmiet.
