Jowai, Nailur 01: Ka jingïalehkai phubol bala pynïaid da ka West Jaiñtia District Sports Association (WJDSA) kaba la long mynta ka sngi 1 tarik u Nailur haki ar tylli ki kyrdan kata ka ‘5th Adelbert Memorial Trophy 3rd Division Football 2025 bad ka ‘8th Debo Shullai Memorial Trophy 2nd Division Football 2025 bala pynlong ha madan Kiang Nangbah Stadium Dongmihsngi, Jowai.
Haba phai sha ka jingïakhun ba nyngkong ha ka kyrdan 3rd Division hapdeng ka Mookyrdup bad ka Pammanik kila poi sha ka jingïakhaid khlem don kiba ïoh ban thep kol (0-0).
Haka jingïakhun kaba ar ka Pasyih SC kala pynliem ïaka Pynthorlangtein SC da 2-1 kol, ïa ki kol naka Pasyih SC la thep da u Seiborlang Dkhar haka minit ba 3 & 37. Ïa ka kol na ka Pynthorlangteiñ SC la thep da u Daman ha oo Lipon haka minit ba 1.
Katba haka jingïakhun kaba lai ka Y.S.W Pynthorlangteiñ kala pynliem da 2-1 kol ïaka Khliehshnong Ialong, ïa ki kol na ka Y.S.C Pynthorlangteiñ la thep da u Jinghun ha o Lipon haka minit ba 57 & 65. Ïa ka shikol na ka Khliehshnong Ialong la thep da u Manbha War haka minit ba 8.
Haba phai sha ka jingïakhun jong ka 2nd Division hapdeng ka kynhun Risingsun Mukhla bad ka Iawmulong Nartiang kila poi sha ka jingïakhaid da mar shikol (1-1). Ïa ka kol na ka Risingsun Mukhla la thep da u Meuru Suna haka minit ba 72. Katba ïa ka shikol na ka Iawmulong Nartiang la thep da u Rimilanki Synnah haka minit ba 68.
