Jowai, Naitung 24: Ka lympung ïalehkai phutbol Independence Day Cup Under-17 Football Tournament 2022 ba la pynïaid da ka West Jaiñtia District Sports Association Jowai ha kane ka sngi saitjaiñ ha madan Kiang Nangbah Stadium, Jowai.
Haba phai sha ka jingïakhun ba nyngkong ka kynhun ïalehkai jong ka Panaliar kala pynliem da 5-0 kol ïa Tpep-pale, ïa kitei ki kol la thep da u Womsar Thma ha ka minit ba 13, u Batsalanmitre Dkhar ha ka minit ba 18, u Nangshwadame Sumer ha ka minit ba 23, u Sauni Sumer ha ka minit ba 32 bad u Risalan Kynjing ha ka minit ba 52.
Ha ka jingïakhun ba ar ka Lumpariat kala jop da 3-1 kol ïa ka Moosalyngkat, ïa ki kol na ka Lumpariat la thep marwei da u Phahmonmi Rupai haduh lai kol katba ha ka minit ba 10, 32 bad 56. Na ka bynta ka shikol na ka Moosalyngkat la thep da u Dashanmame Tang ha ka minit ba 33.
Ka jingïakhun ba lai kaba la long hapdeng ka Sailung Ialong pyrshah ïa ka Lumiawmuchai, ka kynhun jong ka Sailung Ialong kala jop da 6-0 kol, ïa ki kol la thep da u Banshanbor Pale haduh saw kol ha ka minit ba 6, 12, 16, 42 bad 56, katba u Samely Mulieh ula thep ha ka minit ba 51.
Ha ba phai sha ka jingïakhun kaba saw kala poi noh sha ka jingïakhaid da 0-0 kol kaba la long hapdeng ka Lumpyrtuh pyrshah ïa ka Mookyndur.
