Shillong, Jymmang 18 : Ka Onside SC bad ka Maw-U-Tieng SC ki la ïoh ban khur ïa ka jingjop ha ka phutbol ki kynthei kaba long ha kane ka sngi Balang ba la tip kum ka Women Football League 2021-2022.
Haba phai sha ka jingïakhun kaba nyngkong, ka Onside SC ka la pynliem ïa ka Thynroit SC da 3-0 kol. Ïa ki kol jong ka Onside SC baroh lai tylli la ïoh ban thep da ka Makrisha Songthiang ha ka minit kaba 47, 49 bad ha ka minit kaba 53 jong ka kylla miet.
Ha ka jingïakhun kaba ar pat, ka Maw-U-Tieng SC pat ka la ïoh ban thep da tang shi kol bad jop da ka said ïa ka Nongkohlew SC. Ïa katei ka kol jop la ïoh ban thep da ka Lavinia Warjri ha ka minit kaba 42 jong ka jingïakhun.
Ka jingïalehkai la shai ka sngi pat kan long hapdeng ka Rahjingshai SC pyrshah ïa ka Mawlai SC ha ka por 1:00 baje mynsngi bad ha ka jingïakhun kaba ar pat kan long hapdeng ka PFRFA pyrshah ïa ka Laitkor SC ha ka por 3.30 baje janmiet.
