Jop ka Nongthymmai bad ka Madanrting ha ki jingïakhun knieh rung quarter final SSA 4th Division

Shillong, Naitung 30 : Ka kynhun ïalehkai jong ka Nongthymmai SC Raij Nongkynrih ka la khur ïa ka jingjop da 7-6 kol lyngba ka penalty pyrshah ïa ka Them Rangshken hadien ba ka jingïakhun ha pdeng madan ha ka lympung ïalehkai SSA 4th Division 2024 ka la kut noh ha ka jingïakhaid da mar 0-0 kol.
Ha ka jingïakhun kaba ar pat, ka Madanrting SC kala pynliem noh ïa ka Mawphlang da 3-1 kol. Ïa ki kol jong ka Madanrting la ïoh ban thep da u Michael M Rajee ar kol bad ïa ka shi kol pat laïoh ban thep da u Bankyrshan Ryndong. Ïa ka shi kol jong ka Mawphlang pat la ïoh ban thep da u Firstborn Synrem.
Ka jingïakhun la shai ka sngi, ka 31-07-2024 kan long hapdeng ka kynhun ïalehkai jong ka Laitumkhrah SC pyrshah ïa ka Diengpasoh SC ha ka por 1:30 baje janmiet. Bad ka jingïakhun kaba ar pat kan long hapdeng ka Mawpdang SC pyrshah ïa ka Madan S&CC ha ka por 4:00 baje janmiet.