Jowai, Naitung 17: Ka jingïalehkai phutbol ‘5th Debo Shullai Memorial Trophy’ 2nd Division Football League Cum Knockout Tournament-2022 bala pynïaid da ka West Jaiñtia District Sports Association (WJDSA) kaba la long mynta ka sngi Saitjaiñ ha madan Kiang Nangbah Stadium Jowai.
Haba phai sha ka jingïakhun kaba la long hapdeng ka Khliehïon-griang pyrshah ïa ka Nangbah Sports Association (NSA), katba na ka liang ka kynhun ïalehkai jong ka NSA kala jop da 2-1 kol.
Ïa ka kol ba nyngkong la thep shwa da ka Khliehïongriang ha ka minit ba 4 da u rangïalehkai jong ka u Samehi Langshiang, hynrei na ka liang ka Nangbah Sports Association kala ïakhun dohïap ban pynphai kylla ïa katei ka shikol bad dei ha ka minit kaba 11 kala ïoh ban thep ïa ka kol lyngba u Kermiki Susngi bad dei ha ka minit kaba 19 utei u juh u Player ka NSA ula ïoh biang ban thep sa shikol.
Haba wan ban bteng ïa ka jingïakhun jong ka kylla miet ka long kaba ïakhait namar baroh ar kynhun kila pyrshang ban ïalehkai bha kiba la sei lut ïa ki sap ki phong ïalekai jong ki hapoh madan, hynrei haduh ba kut jong ka jingïakhun kala neh da 2-1 kol.Ka jingïalehkai lashai ka sngi kan long hapdeng ka Khliehmynkrem pyrshah ïa ka Mookyndur ha ka por 3 baje nohphai sngi.
