Jowai, Ïaïong 22: Ha ka jingïakhun ba nyngkong jong ka ‘2nd U Adelbert Laloo Memorial Trophy’ kaba la long mynta ka sngi 22 tarik u Ïaïong ha madan Kiang Nangbha Stadium Jowai, na ka liang ka kynhun ïalehkai jong ka Mupliang kala jop da 2-1 kol ïa ka Newhills. Ka jingïakhun ba ar kala long hapdeng ka Mookyrdup pyrshah ïa ka Chyrmang Wah, ka kynhun ïalehkai jong ka Mookyrdup kala jop da 6-0 kol, katba ha ka jingïakhun kaba lai ka kynhun ïalehkai jong ka Lumbhahdakha Wahiajer ka la jop da 3-0 kol.
Ka jingïakhun lashai ka sngi 23 tarik kan long hapdeng ka Khliehmuchut Shangpung pyrshah ïa ka Lumchyrmang Mihmyntdu ha ka por 11 baje mynstep, ka Tpep Pale pyrshah ïa ka Mulang Ialong ha ka por 1 baje nohphai sngi bad ka Pateinki Sabah pyrshah ïa ka Ksehsylle Ialong haka por 3 baje janmiet.
