Jowai, Ïaïong 15: Ka kynhun ïalehkai jong ka Mupliang CC kala jop da 5 wickets ïa ka Khimusniang SC haka jingïalehkai ba Khatsaw Ka jong District Cricket League 2025 bala pynïaid daka West Jaiñtia Hills District Cricket Association (WJHDCA) kaba la long ha ka sngi Ba Ar ha Mini Stadium, Khliehtyrshi.
Ha kane jingïalehkai hapdeng ka Mupliang CC pyrshah ïaka Khimusniang SC ha kaba ïaka jingkynting toss la jop daka Mupliang CC kaba la kam trai ban kawang ball shuwa. Ka Khimusniang SC haba wan ban tied nyngkong kala kamai 165 run bad hap 6 wickets na ki 35 over ba la buh.
Ha ba poi ka pali jong ka Mupliang CC ban beh ïaka thong kala lah ban ïoh 166 runs da kaba duh 5 tylli ki wickets tang haka 25.5 overs.
U Oni Wanker Sna naka Mupliang CC u la kylla long u nam tam bad khur ïaka khusnam man of the Match hadien ba la ïoh kamai 68 runs.
Ka jingïalehkai lashai ka sngi ka 16/04/2025 kan long hapdeng ka Ummulong SC pyrshah ïa ka Evergreen Mukhla Mission naduh ka por 9 baje mynstep.
