Jowai, Ïaïong 01: Ka lympung ïalehkai phutbol ba la tip kum ka ‘2nd U Adelbert Laloo Memorial Trophy’ jong ka kyrdan 3rd Division Football Tournament 2022 bala pynïaid da ka West Jaiñtia District Sports Association (WJDSA) kaba la long mynta ka sngi 1 tarik u Ïaïong ha madan Kiang Nangbha Stadium Jowai.
Ha ka jingïakhun ba nyngkong ba la wan ban aireng hapdeng ka Mookaswan Dongwah pyrshah ïa ka Mupliang, ka kynhun ïalehkai jong ka Mupliang kala jop da 3-1 kol ïa ka Mookaswan bad ïa katei ki kol la theh da u Dering Phawa ha ka minit ba 2, u Elijah Ryngkhlem haka minit ba 7 bad u Emi ïanga Phwa ha ka minit ba 29. Katba ïa ka shikol na ka Mookaswan Dongwah la thep ha ka minin ba 29 da u Jeremiah Biam.
Ha ka jingïakhun ba ar ka Tpep Pale kala jop da shikol ïa ka Loompyrdi Iongpiah bad ïa katei ka shikol la thep da u R. Daosakhiat Syngkon ha ka minit ba 39.
Katba ha ka jingïakhun kaba lai hapdeng ka ka Samaro FC pyrshah ïa ka Pateiñki Sabah kila ïakhait khlem da don kiba thep kol da 0-0.
