Jowai, Naitung 24: Ka lympung ïalehkai phutbol Independence Day Cup Under-17 Football Tournament 2022 ba la pynïaid da ka West Jaiñtia District Sports Association Jowai ha ka sngi 21 tarik ha madan Kiang Nangbah Stadium, Jowai. Haba phai sha ka jingïakhun ba nyngkong ka kynhun ïalehkai jong ka Mookyrdup kala lah ban pynliem da 1-0 kol ïa ka Caroline Colony, ha ka jingïakhun ba ar kaba la long hapdeng Evergreen Mukhla bad ka Mynthong, na ka liang ka Evergreen Mukhla ka la jop da 3-0 kol ïa ka Mynthong.
Ka jingïakhun ba lai kaba la long hapdeng ka Kseh Sylle Ialong Pyrshah ïa ka Demthring ka Kseh Sylle Ialong kala jop da 2-1 kol. Katba ha ka jingïakhun kaba saw kala poi noh sha ka jingïakhaid da mar 2-2 kol hapdeng ka Sohmynting bad ka Dongmihsngi.
